Los sindicatos de prisiones califiquen de "parche" l'alcuerdu ente Interior y Principáu sobre sanidá

De les ocho places de médicos que tien el centru, namás tres tán cubiertes

Los sindicatos de prisiones consideren un parche l’alcuerdu aprobáu ente’l Gobiernu asturianu y el ministeriu del Interior pa meyorar la telemedicina y que los médicos MIR puean facer la so formación tamién na cárcel.

Dende Acaip UXT consideren que cualquier midida qu’intente meyorar l’asistencia sanitaria ye bienvenida, pero creen que queda curtia y reclamen que se cumpla la llei de 2003. Una norma que diz qu’hai que tresferir la sanidá penitenciaria a les comunidaes y que, aseguren, dexaría medrar el númberu de facultativos.

Dende’l sindicatu 'Tu Abandono Me puede Matar' coinciden en que ye un parche y creen qu’esta midida nun pon frenu a la falta de médicos que sufre la prisión. Según los sindicatos de les ocho places de médicos que tien el centru, namás tán cubiertes tres.